1. |
Maria Marí
03:31
|
|||
Arápete fenesta!
Famme affacciá a Maria
Ca stóngo 'mmiez'â via
Speruto da vedé
Nun trovo n'ora 'e pace
'A notte 'a faccio juorno
Sempe pe' stá ccá attuorno
Speranno 'e ce parlá!
Oje Marí', oje Marí',
Quanta suonno ca perdo pe' te!
Famme addurmí
Abbracciato nu poco cu te!
Oje Marí', oje Marí'!
Quanta suonno ca perdo pe' te!
Famme addurmí...
Oje Marí', oje Marí'!
'Mmiez'a stu ciardeniello
Ce ride 'a malvarosa
Nu lietto 'e fronne 'e rosa
Aggio fatto pe' te...
Viene che 'a notte è doce
'O cielo ch'è nu manto...
Tu duorme e io te canto
'A nonna a fianco a te...
Oje Marí', oje Marí'
Quanta suonno ca perdo pe' te!
Famme addurmí
Oje Marí', oje Marí'!
|
||||
2. |
Marechiare
03:05
|
|||
Quanno sponta la luna a Marechiare,
Pure li pisce nce fanno a ll'ammore.
Se revotano ll'onne de lu mare,
Pe' la priezza cagnano culore.
Quanno sponta la luna a Marechiare.
A Marechiare ce sta 'na fenesta,
La passiona mia ce tuzzulea.
'Nu garofano addora 'int'a 'na testa,
Passa ll'acqua pe' sotto e murmulea.
A Marechiare ce sta 'na fenesta.
Chi dice ca li stelle sò lucente
Nun sape 'st'uocchie ca tu tiene 'nfronte.
'Sti ddoje stelle li ssaccio io sulamente,
Dint'a lu core ne tengo li pponte.
Chi dice ca li stelle sò lucente?
Scetate, Carulì, ca ll'aria è ddoce!
Quanno maje tantu tiempo aggi'aspettato?
P'accumpagnà li suone cu la voce
Stasera 'na chitarra aggio purtato.
Scetate, Carulì, ca ll'aria è ddoce!
|
||||
3. |
La Palummella
03:05
|
|||
Palummella, zompa e vola
Addò sta nennella mia!
Non fermarte pe' la via,
Vola, zompa a chella llà!
Co li scelle la saluta,
Falle festa,
Falle festa attuorno attuorno
E ll'hê 'a dì che notte e ghiuorno,
Io stò sempe,
Io stò sempe a sospirà!
Palummella, vola, vola
A la rosa de 'sto core!
Non ce sta cchiù bello sciore
Che t'avesse da piacè.
'A ll'addore che tu siente,
'A chill'uocchie,
'A chill'uocchie, 'a chillo riso
Credarraje che 'mParaviso
Tu sì ghiuta,
Tu sì ghiuta, oje palummè!
A lu labbro curallino,
Palummè, va', zompa e vola!
'Ncopp'a chillo te consola
E maje cchiù non te partì!
Ma si vide che s'addorme
E te vene,
E te vene lo tantillo,
Tu ll'azzecca 'no vasillo
E pe' me,
E pe' me 'n'auto porzì!
|
||||
4. |
Guaglione
03:24
|
|||
Staje sempe ccà, 'mpuntato ccà
'Mmiezz'a 'sta via.
Nun mange cchiù, nun duorme cchiù,
Che pucundria!
Uè, piccerì, che vene a dì 'sta gelusia?
Tu vuò suffrì, tu vuò murì.
Chi t' 'o fa ffà?
Curre 'mbraccio addù mammà,
Nun fà 'o scemo, piccerì!
Dille tutt' 'a verità,
Ca mammà te pò capì.
E passe e spasse
Sotto a 'stu balcone,
Ma tu sì guaglione!
Tu nun cunusce 'e ffemmene,
Sì ancora accussì giovane!
Tu sì guaglione!
Che te mise 'ncapa?
Va a ghiucà 'o pallone!
Che vonno dì 'sti llacreme?
Vattè, nun me fà ridere!
Curre 'mbraccio addù mammà,
Nun fà 'o scemo, piccerì!
Dille tutt' 'a verità,
Ca mammà te pò capì.
Nun 'e pittà, nun alliscià 'sti mustaccielle!
Nun cerca a te,
Nun sò pe' tte chill'uocchie belle.
Nun 'a penzà, va' a pazzià cu 'e guagliuncelle!
Nun t'avvelì,
C'è tiempo, oje nì, pe' te 'nguajà!
Chi desidere 'e vasà?
Scordatella, piccerì!
Ca si 'o diceno a papà
Chi sà comme va a fernì.
E passe e spasse
Sotto a 'stu balcone,
Ma tu sì guaglione!
Tu nun cunusce 'e ffemmene,
Sì ancora accussì giovane!
Tu sì guaglione!
Che te mise 'ncapa?
Va a ghiucà 'o pallone!
Che vonno dì 'sti llacreme?
Vattè, nun me fà ridere!
Chi desidere 'e vasà?
Scordatella, piccerì!
Ca si 'o diceno a papà
Chi sà comme va a fernì.
Staje sempe ccà, 'mpuntato ccà
'Mmiezz'a 'sta via.
Nun mange cchiù, nun duorme cchiù,
Сhi t' 'o fa ffà
|
||||
5. |
Scetate
06:06
|
|||
Si duorme o si nun duorme, bella mia,
Siente pe' 'nu mumento chesta voce!
Chi te vò bbene assaje sta 'mmiez' â via
Pe' te cantà 'na canzuncella doce.
Ma staje durmenno, nun te sì scetata,
'Sti ffenestelle nun se vonno aprì.
È 'nu ricamo 'sta mandulinata!
Scetate, bella mia, nun cchiù durmì!
'Ncielo se sò arrucchiate ciento stelle,
Tutte pe' stà a sentì chesta canzona.
Aggio 'ntiso 'e parlà li ttre cchiù bbelle,
Dicevano: "Nce tene passione!"
È 'a passione ca nun passa maje,
Passa lu munno, essa nun passarrà.
Tu, certo, a chesto nun ce penzarraje,
Ma tu nasciste pe' m'affatturà.
|
||||
6. |
Palcoscenico
04:02
|
|||
Signó’ acaláte,
ca i’, dimane, nun ce vengo!
Va po vico na voce, na stesa,
pe mmaéste ca vònno fá spesa…
Na carretta, ch’è chiena ‘e campagna,
ll’accumpagna pe’ tutta cittá.
Coro: Ll’accumpagna pe’ tutta cittá.
Mo na sciassa cu ‘o rrusso e cu ‘o ggiallo,
s’appresenta cu ‘a museca e ‘o ballo:
pazzariéllo è chist’ommo ch’avanza…
Vótta e scanza, cchiù folla se fa…
Puó’ dí
che strade ‘e Napule cheste só’:
nu palcoscenico,
puó’ dí
cha gente ‘e Napule chesto vò’:
nu palcoscenico…
Só’ scene comiche,
só’ scene tragiche,
mentre se recita
siente ‘e cantá:
“Napule, Napule, Napule, Na’…
Acqua fresca…chi sa véve!”
‘Npont’ô vico s’apára na festa…
passa ‘o ruoto, ‘o varrile, ‘a canesta…
Comm’arriva na chiorma ‘e straniere,
che se vede? Currite! Currí’!…
Coro: che se vede? Currite! Currí’!…
Carulina se scippa cu Rosa,
chesta è ‘nzista, ma chella è gelosa,
pe’ nu guappo ca ‘nganna duje core,
sti ddoje sore só’ bone ‘e murí…
Puó’ dí
che strade ‘e Napule cheste só’:
nu palcoscenico…
puó’ dí
cha gente ‘e Napule chesto vò’:
nu palcoscenico…
Só’ scene comiche,
só’ scene tragiche,
mentre se recita siente ‘e cantá:
“Napule, Napule, Napule, Na’…
‘e mellune chine ‘e fuoco!”
Signó’ acaláte,
ca i’, dimane, nun ce vengo…
|
||||
7. |
'O Marenariello
03:50
|
|||
Oje nè, fa priesto, viene!
Nun me fà spantecà!
Ca pure 'a rezza vene
C'a mmare stò a menà.
Meh, stienne 'sti bbraccelle,
Ajutame a tirà!
Ca 'stu marenariello
Te vò semp'abbraccià.
Vicin' ô mare
Facimmo 'ammore,
A core a core
Pe' nce spassà.
Sò marenaro
E tiro 'a rezza;
Ma p'allerezza
Stong'a murì.
Vide ca sbatte ll'onna
Comm'a 'stu core ccà,
De llacreme te 'nfonne
Ca 'o faje annammurà.
Viene, 'nterr'a 'sta rena
Nce avimm'a recrià,
Ca scenne la serena
I' po' stong'a cantà.
Vicin' ô mare
Facimmo 'ammore,
A core a core
Pe' nce spassà.
Sò marenaro
E tiro 'a rezza;
Ma p'allerezza
Stong'a murì.
Oje nè, i' tiro 'a rezza
E tu statte a guardà,
Li pisce p' 'a priezza
Comme stanno a zumpà.
E vide, pur' 'e stelle
Tu faje annammurà,
Ca 'stu marenariello
Tu faje suspirà.
Vicin' ô mare
Facimmo 'ammore,
A core a core
Pe' nce spassà.
Sò marenaro
E tiro 'a rezza;
Ma p'allerezza
Stong'a murì.
|
||||
8. |
Guapparia
03:19
|
|||
Scetateve, guagliune 'e malavita,
Ca è 'ntussecosa assaje 'sta serenata!
Io song' 'o 'nnammurato 'e Margarita
Ch'è 'a femmena cchiù bella d' 'a 'Nfrascata.
Ll'aggio purtato 'o capo cuncertino
P' 'o sfizio 'e me fà sentere 'e cantà.
Mm'aggio bevuto 'nu bicchiere 'e vino
Pecché stanotte 'a voglio 'ntussecà.
Scetateve, guagliune 'e malavita!
È accumparuta 'a luna a ll'intrasatto
Pe' lle dà 'o sfizio 'e me vedè distrutto.
Pe' chello che 'sta femmena m'ha fatto,
Vurria c' 'a luna se vestesse 'e lutto.
Quanno se ne venette â parta mia,
Ero 'o cchiù guappo 'e vascio â Sanità.
Mò, c'aggio perzo tutt' 'a guapparia,
Cacciatemmenne 'a dint' â suggità!
Scetateve, guagliune 'e malavita!
Sunate, giuvinò, vuttate 'e mmane!
Nun v'abbelite, ca stò buono 'e voce!
I' mme fido 'e cantà fino a dimane
E metto 'ncroce a chi m'ha miso 'ncroce.
Pecché nun va cchiù a tiempo 'o mandulino?
Pecché 'a chitarra nun se fa sentì?
Ma comme? Chiagne tutt' 'o cuncertino,
Addò c'avess' 'a chiagnere sul'i'.
Chiagnono 'sti guagliune 'e malavita.
|
||||
9. |
|
|||
10. |
||||
So' le sorbe e le nespole amare,
Ma lo tiempo le fa maturare
E chi aspetta se ll'adda magnà,
Se ll'adda magna', se l'adda magnà,
E chi aspetta se ll'adda magnà.
So' le sorbe e le nespole amare,
Ma lo tiempo le fa maturare
E chi aspetta se ll'adda magnà,
E chi aspetta se ll'adda magnà,
Se ll'adda magna', se l'adda magnà,
E chi aspetta se ll'adda magnà,
Se ll'adda magna'.
Accussì so' le femmene toste,
Che s'arrangiano quanno t'accuoste,
Tiempo e purchie le fanno ammullà,
Tiempo e purchie le fanno ammullà,
Tiempo tiempo, purchie purchie,
Tiempo e purchie le fanno ammullà
|
||||
11. |
Benny
01:36
|
|
||
12. |
Te l'ea tènere
02:59
|
|||
Te l'ea tènere,
e t'e sta zitto.
Nun t'intromettere,
l'ea lassà stà.
A che serve e le dicere 'o ciummo
c'a corza soja arriva 'o mare?
Chillo vo' correre,
nun te starrà a sèntere...
Statt’o posto tujo:
ca nunn' o può fermà.
|
||||
13. |
Canzone Arrabbiata
02:40
|
|||
Canto per chi non ha fortuna
Canto per me
Canto per rabbia a questa luna
Contro di te
Contro chi è ricco e non lo sa
Chi sporcherà la verità
Cammino e canto
La rabbia che mi fa
Penso a tanta gente nell'oscurità
Alla solitudine della città
Penso alle illusioni dell’umanità
Tutte le parole che ripeterà
Canto per chi non ha fortuna
Canto per me
Canto per rabbia a questa luna
Contro di te
Canto a quel sole che verrà
Tramonterà, rinascerà
Alle illusioni
Alla rabbia che mi fa
Penso a tanta gente nell'oscurità
Alla solitudine della città
Penso alle illusioni dell’umanità
Tutte le parole che ripeterà
Canto per chi non ha fortuna
Canto per me
Canto per rabbia a questa luna
Contro di te
Canto a quel sole che verrà
Tramonterà, rinascerà
Alle illusioni
Alla rabbia che mi fa
|
Nataly Oryon Israel
www.natalyoryon.com
Nataly Oryon, Vocalist and musician (composer, arranger) from Jerusalem,
specializes in the various musical genres of the Mediterranean countries, focusing on folk and classic Greek music, and Italian-Neapolitan music.
... more
Streaming and Download help
If you like Nataly Oryon, you may also like:
Bandcamp Daily your guide to the world of Bandcamp